Qeveria bullgare ka dëbuar dy diplomatë ruse, të cilëve u janë dhënë 72 orë për t`u larguar nga vendi. Kjo lëvizje vetem dy ditë pasi autoritetet bullgare njoftuan se kishin shkatërruar një grup spiunazhi që i dërgonte Moskës informacione sekrete ushtarake. Prokurorët thanë se gjashtë persona, përfshirë ish-oficerë të inteligjencës dhe oficerë të tanishëm ushtarak, janë akuzuar se kanë përcjellë informacione të klasifikuara në lidhje me Bullgarinë, NATO dhe BE-në në Ambasadën Ruse në Sofje. Ministria e Jashtme bullgare i shpalli diplomatët rusë të padëshiruar "persona non grata" sepse sic tha, kanë kryer "aktivitete që nuk janë në pajtim me statusin e tyre diplomatik".Ambasada Ruse në Bullgari e quajti vendimin "të pabazë" dhe tha se Moska "rezervon të drejtën e hakmarrjes".Bullgaria ka lidhje të ngushta kulturore, historike dhe ekonomike me Rusinë. Moska është partneri kryesor energjetik i vendit. Por, raportet mes dy vendeve janë lëkundur nga disa skandale të kësaj natyre këto vitet e fundit. Bullgaria vend anëtar i NATO-s dhe Bashkimit Evropian, që nga tetori i vitit 2019, ka dëbuar pesë diplomatë dhe punonjës të Ambasadës Ruse të akuzuar për spiunazh.