Partia Demokratike ka reaguar në lidhje me ngjarjen e ndodhur në lagjen ‘Kodra’ në Shijak. Një sasi lëndësh plasëse ka shpërthyer në dyert e banesës së drejtuest të Partisë Demokratike, Ilgnor Vora rreth orës 22. Nga raportet paraprake mësohet se shpërthimi nuk është shoqëruar me dëme shëndëtësore, por vetëm me dëme materiale. Autoritetet policore po punojnë për hetimin e plotë të ngjarjes, teksa mësohet se janë sekuestruar kamerat e sigurisë për të bërë të mundur zbardhjen e plotë të rrethanave. Një pistë hetimore e Policisë së Durrësit ka qenë edhe ajo e një konflikti të mundshëm mes vëllait të Ignor Vorës dhe disa bashkëmoshatarëve të tij. Në deklaratën e dhënë pas dëshmisë për autoritetet policore, Vora ka deklaruar se nuk kanë pasur konflikte të hapura prandaj nuk ka dijeni për autorët e ngjarjes. Hetimet e mëtejshme të policisë do të japin edhe verdiktin përfudnimtar për ngjarjen. Partia Demorkatike e ka konsideuar këtë akt kriminal dhe ka kërkuar të vihen menjëherë para drejtësisë autorët e ngjarjes. Duke i shprehur të gjithë solidaritetin familjes Vora, ne e konsideruar këtë akt kriminal të papranueshëm, të rëndë dhe kërkojmë zbardhjen pa vonesa të kësaj ngjarje dhe vënien menjëherë përpara përgjegjësisë të autorëve. Ngjarje të rënda si kjo dhe aktet kriminale të kohëve të fundit, janë thirrje ulëritëse për organet ligjzbatuese për të vepruar me shpejtësi, profesionalizën dhe paanësi për mbrojtjen e rendit dhe sigurisë publike, si dhe jetës e pronës së qytetarëve.- ka deklaruar selia blu në facebook