Qeveria e Maqedonisë vendosi të shpallë tre ditë zie kombëtare për shkak të aksidentit të autobusit në Bullgari, ku humbën jetën 45 persona. Flamujt janë ulur në gjysmështizë në të gjithë vendin. Lajmi është konfirmuar nga vetë kryeministri Zoran Zaev në një postim në rrjetet sociale. “Ditët e zisë do të jenë 23.24 dhe 25 nëntori. Të gjitha aktivitet shtetërore të parashikuara do të jenë anuluar gjatë këtyre ditë", shkruan Zaev. Flamujt do të ulen në gjysmështizë edhe në misionet diplomatike jashtë vendit. Për shkak të tragjedisë janë anuluar të gjitha aktivitetet në Kuvend si dhe të gjitha takimet e planifikuara. Kuvendi ka ngrirë të gjitha zhvillimet, ndërsa subjektet politike kanë anuluar takimet e planifikuara për të martën. LSDM dhe Alternativa kishin thirrur mbledhje të kryesive qendrore për të diskutuar zgjerimin e mundshëm të shumicës parlamentare. Megjithatë sipas njoftimeve jozyrtare këto takime janë anuluar për shkak të tragjedisë së rëndë që ndodhi në Bullgari.Në aksident, humbën jetën 46 shtetas të maqedonisë së veriut, të gjithë shqiptarë. Ministria e punëve të jashtme ka ngritur tashmë shtabin e krizës në lidhje me fatkeqësinë. Dy punonjës të ministrisë janë dërguar për ndihmë në ambasadën e vendit në sofje me qëllim që të asistojnë në procedurat e lidhura me ngjarjen tragjike ndërsa është hapur edhe një linjë telefonike pa pagesë ku familjarët apo të afërmit e viktimave mund të drejtohen për këshilla ose informacione. Këta të fundit janë mbledhur që në orët e para të së martës para zyrës së agjencisë turistike e cila organizoi udhëtimin në stamboll, Besa Trans, por ato ishin të mbyllura dhe të gjitha informacionet e marra i kanë siguruar fillimisht nga mediat.