Një aksident I rëndë u regjistrua në zonën e Astirit të dielën në orët e para të mbrëmjes, ku një këmbësor ka humbur jetën teksa tentonte të kalonte rrugën. Në këto pamje të rënda të siguruara nga Top News, shihet kur këmbësori tenton të kalojë rrugën jo në viza të bardha dhe fluturon në ajër, duke humbur jetën. Vetëm pak minuta më vonë, një tjetër aksident fatal u regjistrua në zonën e Manzës, ku një automjet goditi një motoçiklete me dy persona. Fatkeqësisht pasagjeri në motomjet me inicialet M.N., nuk mundi dot t’I mbijetonte plagëve të marra, ndërsa u dëmtua drejtuesi me inicialet M.R.