Një ngjarje e pazakontë ka ndodhur në futbollin egjiptian. Trajneri i skuadrës Al Majd, Adham El Selhdar ndërroi jetë në minutat e fundit të sfidës. Ekipi i drejtuar nga ai po luante ndaj Al Zarqa dhe shënuan golin e fitores në minutat e fundit të ndeshjes. Gjatë festimit tekniku 53 vjecar nuk e përmbajti entuziazmin, por ky entuziazëm u kthye shumë shpejt në tragjedi. El Selhdar pësoi një atak në zemër që i kushtoi rëndë dhe pavarësisht tentativave të mjekëve nuk arritën ta shpëtonin teksa vdiq gjatë rrugës për në spital. 53 vjecari kishte një përvojë 20 vjecare në trajnimin e skuadrave, teksa eksperienca e tij e parë filloi me skuadrën Goldi ku ishte pjesë e stafit teknik, ndërsa më shumë kohë në krye të një klubi kaloi te Ismaily ku dha kontributin e tij të vyer për tre sezone. Ngjarje të tilla janë një këmbanë alarmi në futboll, teksa El Sehdar nuk është personi i parë që përjeton një tragjedi të tillë në fushën e lojës.