Tragjedi në kufirin greko-turk. 12 persona janë gjetur të vdekur paraditen e kësaj të mërkure, sipas lajmeve që publikon e përditshmja turke “Hurriyet”. Dyshimet paraprake janë se ata kanë ndëruar jetë për shkak të temperaturave të ulta, ndërsa në lajmin e publikuar thuhet se ata nuk kishin të veshur as rroba të trasha dhe as këpucë për të përballuar të ftohtin e acartë. Madje, jo vetëm kaq, por edhe vetë ministri i Brendshëm turk përmes statuseve në rrjetet sociale shkruan se 12 nga 22 emigrantë, të cilëve iu hoqën këpucët, u hoqën rrobat, u shtynë prapa nga trupat kufitare greke, ngrinë. Ai shton më tej në mesazhin e tij se Bashkimi Evropian është i pafuqishës, i dobët dhe e konsideron çnjerëzor. Trupat kufitare greke, dashamirës të FETO-s, i lanë të vdisnin’, e mbyll mesazhin e tij, ministri turk. Sipas minsitrit ata janë kthyer mbrapsht nga rojet kufitare greke, të cilat më parë i kanë detyruar që të heqin këpucët dhe xhupat. “Kjo është barbari. 12 emigrantë gjenden të ngrirë në mes të ftohtit pa këpucë dhe veshje të trasha. BE është pa zgjidhje”, shkruan ai në Tëitter. Lajmi ka patur jehonë vetëm në mediat turke, ndërsa asnjë media greke nuk ka reaguar ende lidhur me këtë ngjarje të rëndë. As autoritetet vendase kanë zgjedhur të mos flasin për këtë tragjedi.