Një ngjarje e rëndë ka ndodhur në Itali, ku një foshnjë 2 vjecare ka humbur jetën si pasojë e Covid 19. 2 vjecarja me origjinë nga Mesoraka e Kalabrisë ishte e shtruar prej disa ditësh në spital, ku u paraqit në gjendje të rëndë shëndetësore. Mjekët thanë se ajo kishte probleme me frymëmarrjen për shkak të pneumonisë, dhe ky mendohet të ketë qenë shkaku që I mori jetën të voglës. Lajmi i hidhur u publikua në mediat italiane, ndërsa thuhet se Ginevra u transferua në Romë me aeroplan në aeroportin Ciampino dhe prej andej shkoi në spitalin pediatrik “Bambino Gesù”. Edhe pse me shumë përpjekje mjekët nuk mundën të bënin asgjë më shumë për të shpëtuar të voglën. Ndërkohë, të hënën pritet të mblidhet këshilli I ministrave në Itali, ku pritet të vendosen rregulla të reja për të menaxhuar më mirë situatën. Mediat italiane thonë se shqetësimi më I madh për momentin janë shkollat.