Top News-Tragjedi, 4 shqiptarë të vrarë në Greqi/Dyshohet krim në familje, mes viktimave dhe fëmijë

Një tragjedi e rëndë ka tronditur Greqinë mbrëmjen e sotme, ku 4 shtetas shqiptarë janë gjetur të vdekur në banesën e tyre. Ngjarja e rëndë ka ndodhur në Andravidha, kun ë mesin e 4 viktimave, dy prej tyre janë fëmijë. Sipas policisë, viktimat janë anëtarë të së njëjtës familje, identiteti të cilëve ende nuk bëhet publik. Policia greke ndodhet në vebndin e ngjarjes dhe ka filluar hetimet, por ende nuk dihen rrethanat e ngjarjes. Momentalisht dyshohet se mund të ketë ndodhur një krim brenda familjes, ku pas një sherri burri ka ekzekutuar gruan e tij dhe dy fëmijët e mitur të familjes, ose pista tjetër e vrasjes mund të jetë që autori mund të jetë ish bashkëshorti i viktimës, i cili ka ekzekutuar ish gruan, fëmijet dhe bashkëshortin e saj dhe është larguar duke lënë të gjallë fëmijën e tij 11 vjeç që kishte me viktimën. Policia tha se po kërkon një shtetas shqiptar për ta marrë në pyetje, por ende nuk ka mundur ta gjejë në banesë. Burime policore thanë se viktimat ishin therur me thikë. Detaje të tjera priten të publikohen në orët në vijim.