Presidenti amerikan Joe Biden dhe zv presidentja Kamala Harris janë paralajmëruar nga ekipet e tyre të sigurisë kombëtare se një tjetër sulm terrorist në Kabul është i mundshëm. Sipas një zyrtari amerikan, SHBA po merr masat maksimale mbrojtëse në aeroportin e Kabulit. “Ditët e ardhshme të misionit do të jenë më të rrezikshmet deri tani”, tha zyrtari duke shtuar: SHBA po largon me mijëra njerëz cdo orë. Ata vazhdojnë ti japin prioritet largimit të qytetarëve të mbetur amerikanë që duan të largohen”. Presidenti ndërkohë ka udhëzuar sekretarin e shtetit të vazhdojë përpjekjet diplomatike me partnerët ndërkombëtarë për të siguruar mjete për shtetasit e vendeve të treta dhe afganët me viza, që ata të lënë vendin edhe pasi prania ushtarake amerikane atje të përfundojë. Zyrtari po ashtu tha edhe se komandantët amerikanë kanë informuar Biden dhe Harris edhe për planet për të goditur objektivat e degës së ISIS-it në afganistan. Edhe zyrtarët e pentagonit thanë se kanë marrë raporte për kërcënime të besueshme ndaj përpjekjeve të evakuimit në afganistan dhe këto kërcënime po monitorohen virtualisht, në kohë reale. Pamjet: AFP