Një zjarr masiv shpërtheu në një rafineri nafte në Iran vetëm pak orë pasi luftanija më e madhe në vend u dogj dhe u mbyt në gjirin e Omanit. Katastrofa më e fundit misterioze ndodhi të njëjtën ditë në të cilën luftanija mori zjarr pas një shpërthimi në dhomën e motorëve dhe u dogj për 20 orë në gjirin e Omanit, para se të mbytej. Zyrtarët thanë se zjarri në Tondgooyan Petrochemical, në jug të teheranit, ishte një aksident, duke fajësuar një rrjedhje gazi të lëgnshëm që coi në një shpërthim të madh. Zjarri ndodhi në një impiant të zotëruar nga shteti mbrëmjen e të mërkurës, duke ngritur një re të stërmadhe tymi të zi në qiell që mbuloi të gjithë kryeqytetin. Rafineria e naftës vazhdoi të digjej edhe gjatë të enjtes ndërsa zjarrfikësit stërmundoheshin të shuanin flakët. Ministri iranian i naftës, Bijan Zanganeh, vizitoi zonën dhe siguroi publikun se zjarri nuk do të prekte prodhimin. Ndërkohë që iranianët u gjendën në radhë për naftë mëngjesin e të enjtes, që shënon edhe fillimin e fundjavës në republikën islamike. Moti i nxehtë në iran ka shkaktuar zjarre në të shkuarën dhe temperaturat në teheran thuajse arritën në 40 gradë celcius të mërkurën. Ndërkohë që luftanija e ndërtuar në britani, Kharg, mori flakë një ditë më parë gjatë një misioni trajnues. Ekuipazhi mundi të evakuohej dhe imazhet e ndara në median sociale tregonin marinarët me xhaketa shpëtimi që largoheshin nga anija. Kjo e fundit u dogj për 20 orë para se të zhytej nën ujë.