Top News – Thyerje gjymtyrësh dhe djegie / KFOR: Në Zveçan u lënduan 19 hungarezë dhe 11 italianë

Komandanti i KFOR-it, gjeneralmajor Angelo Michele Ristuccia kërkoi nga Kosova dhe Serbia që të marrin “përgjegjësinë e plotë” për ngjarjet që ndodhën më të hënën në veri të Kosovës dhe “të mos fshihen pas narrativave të rreme”. Ristuccia po ashtu kërkoi nga palët që të parandalojnë “çdo përshkallëzim të mëtejshëm”. Përmes një njoftimi për media, misioni paqeruajtës i NATO-s në Kosovë, KFOR, tha se gjatë ndërhyrjes në Zveçan të hënën, 30 ushtarë të këtij misioni u lënduan: 19 nga kontingjenti hungarez dhe 11 nga ai italian.