Një oktapod i quajtur Marshmalloë qëndron në fund të akuariumit të tij. Papritur ndryshon ngjyrë nga një e bardhë në gri në bojëkafe e më pas portokalli. Muskujt e tij tërhiqen, tentakulat kontraktohen dhe sytë e mbyllur rrotullohen. Ky moment ëhstë fiksuar në disa pamje të rralla nga shkencëtarët në brazil, të cilët publikuan një studim të ri në gazetën iScience në të cilin nënvizonin se cefalopodët e sofistikuar përjetojnë të paktën dy lloje të ndryshme gjumi. Një prej tyre, që ata e kanë quajtur gjumi aktiv, është i ngjashëm me lëvizjen e shpejtë të syvë tek gjitarët, zogjtë dhe disa zvarranikë, cka edhe ngre mundësinë intriguese se ashtu si njerëzit, oktapodët mund të shohin ëndrra. “Oktapodët janë unikë në kuptimin e kompleksitetit të tyre në sjellje dhe në sistem nervor”, thonë ekspertët sipas të cilëve, këto gjallesa kanë trurin më kompleks nga të gjithë jovertebrorët. Por, theksojnë ekspertët, ata janë sidoqoftë shumë të ndryshëm nga ne. Për të eksploruar cështjen e gjumit të oktapodit, kërkuesit në vazhdimësi kanë regjistruar katër oktapodë në akuariumet e tyre për disa ditë radhazi dhe kanë analizuar më pas pamjet. Ata kanë zbuluar gjumin e qetë, në të cilin kafshët nuk lëvizin dhe nuk ndryshojnë as ngjyrë. Ndërsa gjatë gjumit aktiv, ata ndryshojnë në mënyrë dinamike ngjyrën e lëkurës dhe pësojnë edhe kontraktime