Ushtarët telebanë kanë ekzkeutuar 22 anëtarë të Njësisë së Forcave Speciale Afgane, të cilët ishin të paarmatosur. Ekzekutimi i tyre është publikuar në rrjet dhe në video shihet qartë momenti kur ushtarët telebanë u kërkonin atyre të dorëzoheshin. Në momentin që ata dolën nga vendi ku po strehoheshin dhe duket qartë që ishin të paarmatosur, vërshuan plumbat drejt tyre mes thirrjeve “Allahu Akhbar”. Sipas mediave të huaja bëhet e ditur se viktimat ishin anëtarë të një njësie të Forcave Speciale Afgane. Kjo ngjarje ka ndodhur më 16 qershor në qytetin Daëlat Abad në pronvincën Faryab, afër kufirit të Afganistanit me Turkmenistanin. Videot e publikuara tregojnë trupat afgane të cilat pas një beteje të ashpër për të mabjtur qytetin i mbaruan munucionet dhe u rrethuan nga luftëtarët talebanë. Vrasja e ushtarëve bie në kundërshtim të plotë me pretendimet e talebanëve për të treguar se po pranojnë dorëzimin e ushtarëve dhe në disa raste duke u paguar atyre kthimin në shtëpi, pasi fituan terren në të gjithë Afganistanin.