Kryeministri izraelit Benjamin Netanyahu të mërkurën la të kuptohet se kundërshton çdo rol të forcave turke të sigurisë në Rripin e Gazës, si pjesë e një misioni për të monitoruar një armëpushim të mbështetur nga SHBA-të me grupin militant palestinez Hamas. Duke folur në Jerusalem së bashku me zëvendëspresidentin amerikan JD Vance, Netanyahu tha se ata kishin diskutuar për "ditën pas" për Gazën, duke përfshirë edhe atë se kush mund të ofrojë siguri në territorin e shkatërruar nga dy vjet luftë. Vance, i cili tha të martën se plani i armëpushimit i Presidentit amerikan Donald Trump po shkonte më mirë se sa pritej, përsëriti optimizmin e tij. "Nuk kam thënë kurrë se është e lehtë. Por unë jam optimist se armëpushimi do të qëndrojë dhe se ne në të vërtetë mund të ndërtojmë një të ardhme më të mirë në të gjithë Lindjen e Mesme", tha ai.