Shërbimi i Sigurisë së Ukrainës, SBU, ka prezantuar versionin më të fundit të dronit të tij detar "sea baby", i cili thotë se mund të operojë në distanca mbi 1,500 km dhe të mbajë një ngarkesë deri në 2,000 kg, afërsisht dyfishi i limitit të mëparshëm. Përmirësimet shënojnë zhvillimin më të fundit në sistemet e armëve pa pilot që po luajnë një rol gjithnjë e më të rëndësishëm në luftën me Rusinë, ndërsa të dyja palët garojnë për të qëndruar përpara në luftën me dronë në tokë, në ajër dhe në det. Dronët ajrorë kanë tërhequr vëmendjen për numrin e madh të përdorur në luftë dhe për fuqinë e tyre shkatërruese, por Ukraina ka pasur sukses të konsiderueshëm edhe në det duke përdorur ato që janë në thelb anije të vogla, të shpejta dhe pa pilot. Ajo ka neutralizuar thuajse të gjithë flotën ruse në Detin e Zi, duke shkatërruar disa anije dhe duke i detyruar të tjerat të largohen nga gadishulli i Krimesë dhe larg bregdetit të Ukrainës, ndërsa Kievi kërkon të mbajë të hapura rrugët kryesore tregtare civile për në Evropë. "Ne kemi nevojë që flota jonë tregtare të lundrojë, të punojë, të mbajë ekonominë në lëvizje, në mënyrë që rusët të mos mund ta arrijnë atë", tha SBU. Përtej dronëve "kamikazë", dronët detarë të Ukrainës mund të mbajnë edhe sisteme armësh me telekomandë, duke përfshirë lëshues raketash të shumëfishtë dhe armë për përdorim kundër mjeteve detare armike. Shërbimi i sigurisë i Ukrainës tha se versione të ndryshme të dronëve të tij detarë kishin goditur 11 anije ruse që nga fillimi i luftës në 2022. Dronët "Sea baby" gjithashtu u përdorën edhe për sulme mbi urën strategjike që lidh Krimenë me kontinentin rus. Ndërkohë, vende të tjera po i kushtojnë vëmendje betejave me dronë në detin e zi, duke nxjerrë mësime e duke shqyrtuar mundësinë që ata të përdoren edhe në ujëra të tjera. Presidenti ukrainas, volodimir Zelenski ka thënë ndërkohë se ukraina ka nevojë aktualisht për gjysmën e 4 mijë dronëve detarë që prodhon duke hapur dritën jeshile për shitjen e tyre.