NATO njoftoi papritur një takim ndërmjet sekretarit të Përgjithshëm Mark Rutte dhe presidentit të SHBA-së Donald Trump. Rutte pritet në Uashington, deklaroi zëdhënësja Allison Hart. Në qendër të takimit konsiderohet të jenë përpjekjet aktuale të presidentit Trump për t'i dhënë fund luftës në Ukrainë. Për këtë ai bisedoi së fundi në telefon me presidentin e Rusisë Vladimir Putin dhe më pas sinjalizoi mundësinë e një takimi me kreun e Kremlinit në Budapest. Por një ditë më parë mediat amerikane njoftuan se planet për takimin janë ngrirë, ose të paktën janë shtyrë. Një zyrtar i nivelit të lartë në Uashington citohet të thotë, se nuk pritet të zhvillohet një takim "së shpejti", thonë agjencitë kryesore të lajmeve. Fillimisht ishte planifikuar të takoheshin këtë javë ministrat e Jashtëm ai i SHBA-së Marco Rubio dhe kryediplomati rus Sergej Lavrov për të përgatitur samitin e dy presidentëve në Budapest. Por pas një bisede telefonike ndërmjet Rubios dhe Lavrorit të hënën u tha se një takim nuk është më i nevojshëm.