Shtetet e Bashkuara dhe Koreja e Jugut ranë dakord për të shtuar masat frenuese ndaj Koresë së Veriut, si dhe për të zgjeruar bashkëpunimin në një mori çështjesh, duke filluar nga siguria kibernetike, energjia bërthamore, siguria rajonale dhe zinxhirët e furnizimit. Në një deklaratë të përbashkët për media, pas takimit të parë mes presidentit amerikan, Joe Biden dhe presidentit të ri koreanojugor, Yoon Suk-yeol, të dyja vendet janë zotuar se do të zgjerojnë aleancën për t’u përballur me çështje përtej Koresë së Veriut, ndonëse mbeten të hapura për të biseduar me Penianin. Lideri koreano verior, Kim Jong Un, braktisi moratoriumin e testimit të raketave balistike ndërkontinentale dhe duket se do të rifillojë edhe testimin e bombave bërthamore, ndoshta edhe gjatë kohës që Biden është në rajon.