Kombëtarja Shqiptare vijon punën për t’u përgatitur për ndeshjen e parë eliminatore të Europianit Gjermani 2024, e planifikuar për t’u luajtur mbrëmjen e të hënës në Varshavë, përballë Polonisë vendase. Kuqezinjtë janë të grumbulluar në ambientet e Shtëpisë së Futbollit, teksa Sylvinho i ka nxjerrë sot në fushë për seancën e katërt stërvitore dhe vlen të theksohet se trajneri ka nisur të skicojë formacionin që do të përdorë në Varshavë.