Dy shqiptarë janë sulmuar këtë të enjte nga një grup serbësh në veri të Mitrovicës. Ata kanë marrë plagë të rënda në trup, ndërsa janë shoqëruar për mjekim në spital, ku janë jashtë rrezikut për jetën. Kështu u bë e ditur nga Policia për KosovaPress. Në vendin e ngjarjes ka dalë Policia. Protestuesit serbë po kundërshtojnë hyrjen e kryetarëve shqiptarë në ndërtesat komunale. Situata në këto komuna është tensionuar të premten e 26 majit kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës. Të hënën protestuesit me maska dhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve.