Kompania turke e dronëve Baykar Makina, po përshpejton dy programe të avancuara të saj, përfshirë zhvillimin e atij që kompania e konsideron avionin e parë ushtarak turk të telekomanduar. Selcuk Bayraktar, shefi teknik i kompanisë, tha në një postim në tëitter se prodhimi i Bayraktar Kizilelma, avioni luftarak i telekomanduar, ka nisur. “Faza e prodhimi ka nisur 3 vite e gjysmë pasi projekti u realizua”, shkruan Bayraktar. Avioni me ulje dhe ngritje vertikale, Kizilelma, mund të mbajë një ngarkesë 1500 kilogramëshe, një radar AESA, një motor turbo dhe ka një shpejtësi maksimale 0.6 mach në një lartësi operacionale prej 10 mijë kilometrash. Baykar thotë se shpreson se do të realizojë fluturimin inaugurues të Kizilelma në 2023-shin. Ndërkohë, Baykar, prodhuesi i dronëve TB2, ka thënë se po synon tani edhe tregjet e largëta lindore për dronin e tij të avancuar TB3 që është në prodhim. Haluk Bayraktar, shefi ekzekutiv i kompanisë, tha se disa vende përreth Kinës janë të interesuara të blejnë TB3 dhe se ky dron do të jetë vecanërisht i përshtatshëm për aeroplanmbajtëse të vogla si Izumo e Japonisë. Marina turke po planifikon të përdorë 50 deri në 110 dronë TB3 në TCG Anadolu, platforma e parë e uljes në turqi që është në ndërtim e sipër. TB3 mund të mbajë një ngarkesë 280 kilogramëshe dhe të arrijë një shpejtësi maksimale prej 300 km në orë.