Pushtimi rus i Ukrainës ka ngritur që në ditën e parë të luftimeve sërish kërcënimin e luftës bërthamore, për shkak të mbështetjes së ofruar ndaj vendit të sulmuar nga Shtetet e Bashkuara dhe aleatët e saj perëndimorë. Ndërsa ndihma e huaj, përfshirë pajisjet ushtarake amerikane për Ukrainën po vjen me shumicë anembanë globit, Rusia risjellë edhe njëherë në skenë kërcënimin e armëve bërthamore. Ish-presidenti rus Dmitry Medvedev paralajmëroi javën e kaluar për rrezikun e "një lufte bërthamore të plotë" në rast të një përplasjeje midis Rusisë dhe Perëndimit, ndërsa presidenti ukrainas Volodymyr Zelensky ka thënë më parë se Rusia "e përdor këtë kërcënim për të shantazhuar botën. ". Në këto kushte, gazeta amerikane Neësëeek, ka zbuluar strehën e famshme për Joe Biden në rast të një lufte bërthamore. Megjithëse shumë aspekte të përgjigjes së SHBA-së ndaj një sulmi bërthamor janë sekrete, një bunker ë Pennsylvania mund të luajë një rol kyç. Kompleksi malor në Malin e Korbit në Adams, shpesh quhet "Pentagoni i nëndheshëm". Qeveria amerikane mund yë operuar nga ky kompleks nëse kryeqyteti i shtetit do të ishte objektiv i një sulmi katastrofik. Raven Rock, i njohur gjithashtu si Site R, u ndërtua në fillim të viteve 1950. Ai njihet po ashtu si "Bunkeri i Harry" sepse u ndërtua për presidentin e atëhershëm Harry Truman, i cili urdhëroi hedhjen e dy bombave atomike në Japoni në sulmin e parë bërthamor në historia.