Një bujk belg ka rrezikuar të ndezë një luftë diplomatike duke pushtuar Francën pasi spostoi me 2 metra e 29 centimetra kufirin mes lokaliteteve Bousinjie në francë dhe Mintinjie në belgjikë. Motivi? Guri ndarës i kufirit mes dy vendeve e pengonte kur manovronte traktorin e tij, ndaj ai thjeshtë e lëvizi nga vendi duke e cuar në territor francez. Ai që ka zbuluar pushtimin, ishte një i apasionuar pas historisë lokale, që duke ecur në pyjet e zonës vuri re që guri që shënonte kufirin mes dy vendeve, ishte spostuar. Fatmirësisht, episodi u mbyll pa incidente por duke ndezur ironinë e palëve. “E bëri Belgjikën më të madhe dhe francën më të vogël, por nuk është një ide e mirë”, komentoi në televizion kryebashkiaku i zonës. “Isha i lumtur, qyteti im ishte më i madh”, shtoi me buzëqeshje homologu i tij belg. Kufiri mes francës dhe belgjikës, që shtrihet për 620 km, është përcaktuar nga traktati i Kortrijk-ut, i nënshkruar në 1820, pesë vite pas mundjes së napoleonit në Vaterlo. I ndarë me disa gurë, që atëherë, kufiri nuk ka ndryshuar kurrë. Deri më tani. Tani autoritetet lokale belge kanë kontaktuar me bujkun, duke e ftuar ta rikthejë gurin në vendin ku ishte. Nëse kjo nuk do të ndodhë, rasti mund të përfundojë edhe në ministrinë e jashtme belge, që duhet të thërrasë një komision kufitar franko-belg që nuk mblidhet më që nga viti 1930.