Space X po dërgon ekuipazhin e tretë të tij në stacionin hapësinor ndërkombëtar, duke ripërdorur një raketë dhe kapsulë në një mision me njerëz në bord, për të parën herë. Misioni në fakt u shty me një ditë për shkak të motit jo të përshtatshëm në trajektoren e fluturimit.“Këtë radhë moti po bashkëpunon”, shkroi në tëitter astronauti francez Thomas Pesquet, që do të bëhet i pari evropian që do të fluturojë në një spaceX Creë Dragon. Edhe një krevat shtesë është i nevojshëm për të mbajtur një numër si jozakonisht të lartë personash në bordin e Stacionit Hapësinor Ndërkombëtar. Plot 11 të tillë pasi ekuipazhi i ri do të qëndrojë për disa ditë me astronautët e vjetër, plus tre kozmonautët rusë. Pesquet shoqërohet nga amerikanët Shane Kimbrough dhe Megan McArthur si edhe japonezi Akihiko Hoshide. Më 28 prill ndërkohë banorët më të vjetër në stacion do të nisin udhëtimin për në shtëpi. Kjo ëhstë hera e tretë që Space X dërgon njerëz në stacionin hapësinor ndërkombëtar, në kuadër të një kontrate shumë miliarda dollarëshe me NASA-n dhe programit të saj komercial të udhëtimeve në hapësirë. Misioni i parë, një fluturim testues Demo 2, u realizua vitin e kaluar dhe i dha fund nëntë viteve varësi të amerikanëve tek raketat ruse për dërgimin e astronautëve në stacionin hapësinor ndërkombëtar, pas mbylljes së programit të shatëllave. Për dërgimin e këtij ekuipazhi në stacion, do të ripërdoret kapsula nga demo 2 dhe raketa falcon 9 që u përdorën më herët në një mision pa ekuipazh duke përmbushur kështu një objektiv të rëndësishëm që do të reduktojë ndjeshëm koston e misioneve në hapësirë.