Autoritetet spanjolle thonë se kanë identifikuar agjentë të policisë dhe shërbimeve sekrete marokene mes turmës se emigrantëve prej 90 mijë vetësh që përmbytën enklavën Ceuta në fund të muajit korrik të këtij viti. Zyra e kufirit dhe inteligjenca spanjolle kanë analizuar pamjet me video nga fluksi i paprecedentë i emigrantëve, ku mes tyre ka parë njerëz që udhëhiqnin turmën, jepnin direktiva, flisnin në telefon dhe në shumicën e rasteve janë larguar sërish për në territorin e Marokut. Imazhet janë analizuar duke shfrytëzuar inteligjencën artificiale dhe ato i janë depozituar në dosje gjykatës kombëtare bashkë me kërkesën për t’i identifikuar plotësisht këta element. Sipas hetimit, ata mund të jenë oficerë policie ose anëtarë të shërbimeve sekrete marokene me rroba civile, të cilët dyshohet se i drejtuan turmat drejt kufirit.