Presidenti i Republikës Bajram Begaj, priti homologun e tij sllovak, Peter Pellegrini. Vizitë kjo e para e një kryetari shteti të Republikës Sllovake, që nga vendosja e marrëdhënieve diplomatike mes dy vendeve. Dy presidentët zhvilluan një takim kokë më kokë, ku theksuan angazhimet për forcimin e bashkëpunimit në të gjitha fushat me interes dhe përfitim të ndërsjellë për qytetarët e dy shteteve. Më pas ata dolën në një konferencë të përbashkët për shtyp, ku vlerësuan procesin e integrimit të vendit. Shqipëria ka bërë progres në rrugën kundrejt anëtarësimit, vlerësojmë progresin, reformat gjithçka keni bërë. Angazhimin për Shqipërinë se një ditë do jetë anëtare e BE, ne ia kemi dhënë popullit të Shqipërisë. Është koha që të realizojmë këtë premtim, sepse vendet e Ballkanit perëndimor e kanë merituar të jenë anëtarë të denjë të BE.