Maqedonia e Veriut raportoi për 7 viktima të tjera nga covid 19, ndërsa janë shënur 138 raste të reja infektimesh gjatë 24 orët e fundit. Më shumë raste të reja ka në Shkup,47 në Kumanovë-17 si dhe Shtip-16. Në Maqedoninë e veriut janë shënuar një numër i konsiderueshëm viktimash që nga fillimi i pandmeë, 493. Nderkohe që numri i te prekurve ka rritur në 10 891 persona. Në 24 orët e fundit janë shëruar 144 pacientë, ndërsa numri irateve aktive është rreth 3700. Ndërkaq Ministria e Shëndetësisë në Maqedoni raporoi se sipas të dhënave mosha e pacientëve të infektuar nga Covid-19 varion nga 0 deri më 97 vjet. Në përllogaritjet që nga shpërthimi i pandemisë e deri në fund të korrikut, mosha mesatare e të infektuarve është 44,6 vjet. Numri më i madh i pacientëve janë mbi 60 vjeç, 22 % e te prekurve. Kreu i Komisionit për sëmundje infektivene Mqedonine e veriut Zharko Karaxhovski theksoi se virusi është i njëjtë, nuk ka ndryshuar asgjë që para 3-4 muajve. Megjithatë, sipas tij, numër më i madh i gjeneratave të reja është infektuar duke shfaqur simptoma të rënduara klinike. Karaxhovski theksoi se virusi nuk përzgjedh nëse dikush është mbi moshën 60 vjeçe apo nën 30 vjeçe, madje shtoi se të rinjtë të padisiplinuar nuk po iu përmbahen rekomandimeve shëndetësore. Deri në fund të korrikut në Maqedoninë e Veriut janë realizuar mbi 100 mijë teste, prej të cilëve janë diagnostikuar mbi 10,5% pozitiv me CoVid-19.