Policia italiane ka bërë të ditur se ka sekuestruar pasurinë me vlerë mbi 800 milionë euro në pronësi të tre vëllezërve të lidhur me mafien kalabreze ‘Ndrangheta’. Bëhet fjalë për disa kompani, supermarkete, një nga qendrat tregtare më të mëdha në Kalabri, prona të paluajtshme, ku përfshihen edhe dy vila luksoze, njoftoi Guardia di Financa. Po ashtu sipas mediave italiane janë sekuestruar edhe disa motorët luksoz dhe një Ferrari. Drejtësia italiane ka vite që ka hetuar këta vëllezër. Njëri prej tyre është i përfshirë në gjyqin masiv, i cili u hap pas operacionit antimafia në vitin 2015.