Top News – Shqiptari abuzonte seksualisht me të miturën / Gjykata greke ka si provë pamjet filmike

Një 40-vjeçar shqiptar doli përpara Gjykatës së Athinës në Greqi, nën akuzën e abuzimit seksual të një të miture. Shqiptari akuzohet se joshi të miturën, vetëm 14 vjeç, në një marrëdhënie intime, e cila përfundoi vetëm kur policia e prangosi 40-vjeçarin, pasi e kapi në flagrancë teksa ishte me të miturën në një hotel në Omonia. Sipas provave të dosjes, të publikuara nga mediat greke, “lidhja” e të miturës me shqiptarin, baba i dy fëmijëve në moshën e viktimës dhe që banonte në Elefsinë, ka nisur që kur ajo ishte nxënëse në vit të parë në gjimnaz. Duke e ndjerë se diçka nuk shkonte, nëna e saj kontrolloi celularin e së bijës dhe pa një foto të të dyve në një moment intim, ndërkohë konfirmimin e lidhjes nëna e ka marrë kur ka parë vajzën me 40-vjeçarin në Monastiraki.