Agjencia e sigurisë e Serbisë ka paralajmëruar Presidentin serb Aleksandar Vuçiç të mos udhëtojë për në Mal të Zi të premten për samitin me udhëheqësit e Bashkimit Evropian dhe të Ballkanit, për shkak të rrezikut për kërcënime sigurie në mes të një përplasjeje diplomatike midis dy vendeve. BIA sekrete në një deklaratë të mërkurën vonë tha se një udhëtim I Vuçiç në Mal të Zi përbën një rrezik të lartë sigurie për Vuçiçin. Kryetarja e Parlamentit, Ana Brnabiç, tha se Vuçiç planifikonte të udhëtonte për në Tivat pavarësisht paralajmërimit dhe se do të kishte disa takime të rëndësishme atje. Paralajmërimi nga BIA Serbe, erdhi pasi mediat në Podgoricë raportuan se Mali i Zi të mërkurën ktheu mbrapsht një avion me 87 shtetas nga Serbia që zbarkoi në Tivat, duke thënë se ata përfaqësonin një kërcënim për sigurinë përpara Samitit BE-Ballkani Perëndimor.