Beogradi zyrtar ka shprehur shqetësim pas vendimit të Shteteve të Bashkuara për të ndaluar importin e bakrit dhe produkteve të bakrit të prodhuara në Serbi. Dogana dhe Mbrojtja Kufitare e SHBA-së ka njoftuar ngrirjen e dërgesave, pas dyshimeve për përdorim të punës së detyruar në procesin e prodhimit në minierat e bakrit në Serbinë lindore, ku operon kompania kineze Zijin Copper. Presidenti i Serbisë, Aleksandar Vuçiç, e ka cilësuar vendimin si të dëmshëm për ekonominë serbe, duke deklaruar se qeveria do të mbështesë kompaninë për të përballuar pasojat në eksport. Po ashtu nëpërmjet reagimit të tij, Vucic hodhi hipoteza se ky vendim ka prapavijë gjeopolitike. ‘Është e qartë se ka një konflikt gjeopolitik mes fuqive të mëdha, SHBA dhe Kinës, edhe ne po paguajmë çmimin”, u shpreh presidenti serb.