Shqipëria mikpret Javën Kulturore Britanike prej kësaj të hëne të 16 shtatorit e deri më 22 shtator, ditë të mbushura me konferenca, festivale, ëorkshope speciale dhe evente me diskutime, por edhe me muzikë elektronike. Çelja e Javës Kulturore Britanike do të realizohet nëpërmjet performancës “BED – In Memory of Derek Jarman”, në galerinë “Naan” në Tiranë, nga artisti Jez Dolan nga Manchester. Për të gjithë të apasionuarit pas kinematografisë, është rezervuar edhe një masterclass. Ky event ofron një mundësi të shkëlqyer për të mësuar nga një profesionist i njohur si regjisori Mike Figgis. Me 18 shtator, ekspertë nga Mbretëria e Bashkuar, Suedia dhe Shqipëria do të diskutojnë praktikat më të mira në ligjin për statusin e artistëv dhe më datë 19 do të ketë diskutime të hapura mbi Artet Vizuale.