Pesë organizata të sipërmarrjeve të huaja dhe vendase shprehën shqetësimin e tyre për klimën aktuale të biznesit në Shqipëri, duke e cilësuar atë si “joefektive, dhe si një ndër sfidat kryesore të sipërmarrjes”. Dhoma Amerikane e Tregtisë, ajo Gjermane, Dhoma Italiane, Dhoma Franceze dhe Konfindustria Shqiptare publikuan të martën një deklaratë të përbashkët, ku theksojnë se mjedisi aktual i biznesit në Shqipëri ka nevojë për përmirësime të konsiderueshme. Ato i bënë thirrje Kuvendit, qeverisë dhe agjencive të tjera publike që të angazhohen me reforma gjithëpërfshirëse në ekonomi dhe investime.