Një seri shpërthimesh në një fabrikë fishekzjarresh në turqinë veri perënidimore ka bllokuar më shumë se 150 persona brenda ndërtesës dhe ka lënduar 41 të tjerë. Zyrtarët lokalë thonë për agjencinë e lajmeve anadolu se shërbimet e emergjencës nuk kishin mundur të mbërrinin menjëherë ndërtesën për shkak të shpërthimeve. Ata thanë sidoqoftë se nuk kishte për momentin viktima. Shpërthimet në hendek, mund të dëgjoheshin dhjetëra kilometra larg. Nje re e errët tymi ngrihej mbi fabrikë dhe agjencia e katastrofave e qeverisë e cilësoi shpërthimin një aksident industrial. Zyrtarët thanë se 150-200 persona punonin në fabrikë në kohën e shpërthimit. Por, kryebashkiaku lokal konfirmoi se pjesa më e madhe e tyre ia kish dalë mbanë të largohej pas shpërthimeve që nisën rreth orës 11.15 minuta. Dhjetëra zjarrfikës dhe pjesëtarë të skuadrave të shpëtimit u angazhuan në vendngjarje.