Nëntë persona kanë humbur jetën pas shpërthimeve në një depo armësh në kazakistanin jugor me katër të tjerë që druhen të vdekur po ashtu. Ministria e emergjencave në vendin që ndodhet në azinë qendrore, tha se pjesëtarë të shërbimeve të emergjencave dhe staf i ushtrisë ishin mes viktimave të shpërthimit në rajonin jugor të Xhambilit dhe shtoi se katër persona konsiderohen të zhdukur. Fshatrat e afërt u evakuan nga autoritetet ndërsa shërbimet e emergjencave ndihmuan të lënduarit. Lidhjet hekurudhore me qytetin më të afërt ndërkohë u ndërprenë. Një video e ndarë në mediat sociale tregonte një kolonë tymi që dilte para një shpërthimi të fuqishëm. Një tjetër klip tregonte mbetjet dhe raketat e ushtrisë që shpërthenin në qiell ndërsa zjarri përfshinte gjithcka i dilte para në tokë. Ministria e mbrojtjes tha se një zjarr kishte shpërthyer në depon e municioneve dhe ishte përhapur shpejt në të gjitha ambjentet e tjera. Disa shpërthime pasuan – tha ministria e mbrojtjes. Incidentet në depot ushtarake të erës sovjetike në Kazakistan janë të shpeshta dhe janë bërë një shqetësim për qeverinë vitet e fundit, me një tjetër depo afër qytetit jugor Aris që shpërtheu më herët dhe disa episode të ngjashme në dekadën e fundit.