Një artist italian shiti një skulpturë të padukshme për 13 mijë paund dhe i dha blerësit një certifikatë që vërteton se vepra është reale. 67-vjecari nga Sardenja, Salvatore Garau, ia shiti veprën e artit me titull “Unë jam”, një blerësi të paidentifikuar në fillim të qershorit. Skulptura që, sic thotë autori është e bërë prej ‘ajri dhe shpirti’, duhet të ekspozohet brenda një katrori me brinjë 1.5 metra, në një hapësirë private pa ndricim artificial dhe pa ajër të kondicionuar. Autori e përshkruan veprën si një “vakuum”, pasi “vakuumi nuk është gjë tjetër vecse një hapësirë plot me energji.” “Ne mund ta zbrazim dhe aty të mos mbetet asgjë, por prapë ajo ‘asgjë’ do këtë një peshë” thotë ai. “Rrjedhimisht, ajo ka energji që kondensohet dhe kthehet në grimca të materies, dmth në ‘veten tonë’,” përfundon Garau. Shtëpia italiane e ankandeve që organizoi shitjen e skulpturës, refuzoi ta publikonte emrin e blerësit. Kjo ishte vepra e dytë e padukshme e autorit, pas skulpturës me titull “Buddha i zhytur në mendime”. Pamjet: AFP