Shqipëria arriti nivelin më të lartë të remitancave të dekadës së fundit, sipas të dhënave të Eurostat. Vitin e kaluar hynë në Shqipëri 1.2 miliardë eurove, një rritje me 5.8%. Vlera e raportuar nga Eurostat u referohet remitancave të matura si dërgesa, transferta personale apo të ardhura të punonjësve nga puna jashtë vendit. Megjithatë, Shqipëria është poshtë mesatares së rajonit të Ballkanit Perëndimor. Për vitin 2022, mesatarja e vlerës së remitancave kundrejt Prodhimit të Brendshëm Bruto për vendet e Ballkanit Perëndimor ishte pranë nivelit të 10.5%. Sipas Eurostat, vendi me varësinë më të madhe nga remitancat në Rajon ngelet Kosova. Për vitin 2022, remitancat përbënin 17.2% të Prodhimit të Brendshëm Bruto të vendit. Lista vijon me Malin e Zi, me 13.3%, i ndjekur nga Bosnjë-Hercegovina, me 10.2%. Shqipëria renditet në vendin e katërt, me një vlerë remitancash sa 9.2% e PBB-së së vendit. Vijon me diferencë të ngushtë Serbia, në masën e 9% të PBB-së, ndërsa mbyll renditjen Maqedonia e Veriut, me 3.4% të PBB-së.