Dhoma Amerikane e Tregtisë në Shqipëri ka reaguar me shqetësim në lidhje me situatën e krijuar ngag protestat studentore. Të gjithë aktorët, thuhet në deklaratë kanë përgjegjësinë të veprojnë në mënyrë konstruktive, të refuzojnë dhunën dhe të kontribuojnë në krijimin e kushteve për një dialog kuptimplotë, përmes të cilit shqetësimet legjitime të mund të adresohen në përputhje me mekanizmat demokratikë. Dhoma thotë se pakënaqësia ndaj qeverisë nuk buroi këtë javë, por është pasojë e politikave sociale dhe ekonomike të ndjekura nga qeveria ndër vit. Për ta ilustruar këtë, në deklaratë përmendet edicioni më i fundit i Indeksit të Biznesit të Dhomës Amerikane, që gjeti se sfidat më të mëdha me të cilat përballen bizneset, përfshirë korrupsionin, monopolet dhe konkurrencën e pandershme, burokracinë dhe informalitetin, krahas një rënieje të ndjeshme të perceptimit mbi klimën e biznesit. Për këtë, Dhoma Amerikan thekson se ka bërë edhe rekomandime konkrete ndër vite për ndryshime projektligjesh, akte nënligjore dhe masa të tjera që ndihmojnë në përmirësimin e klimës së biznesit, rigjallërizmin e ekonomisë dhe rritje më gjithëpërfshirëse të mirëqënies.