Surpriza dhe zhvillime po ndodhin në selinë blu të demokratëve, teksa po afron data 13 qershor, kur demokratët do të votojnë për kandidatin që duan t’i kryesojë. Agron Shehaj ka zyrtarizuar emrin e tij si kandidat për kryetar të Partisë Demokratike. Shehaj është kandidati më i votuar në qarkun e Tiranës me 13 mijë e 862 vota, njëherazi edhe kandidati i parë që deklaroi futjen në Parlament dhe pranimin e rezultatit të zgjedhjeve të 25 Prillit. Në postimin e tij në facebook, Shehaj ka thumbuar kreun aktual të demokratëve, Lulzim Bashën, në lidhje me zgjedhjet e 25 Prillit.