Përkrahësit e ish-presidentit Donald Trump që ndërmorën sulmin vdekjeprurës në Kapitol në 6 janar kanë lënë të kuptohet se duan të "hedhin në erë" selinë e Kongresit deklaroi shefja e policisë së Kapitolit. Kërcënimet e ndryshme sipas saj, lwnw tw kuptohet sugjerojnë që ekstremistët mund ta vënë në shënjestër ndërtesën gjatë një fjalimi të Presidentit Joe Biden, u tha ligjvënësve shefja në detyrë e policisë Yogananda Pittman e cila shprehu nevojën e mbajtjes në fuqi të masave të sigurisë së lartë përreth ndërtesës."Anëtarët e grupeve të milicive që ishin të pranishëm më 6 janar janë shprehur se duan të hedhin në erë Kapitolin dhe të vrasin sa më shumë anëtarë të Kongresit jetë e mundur duke bërë një lidhje të drejtpërdrejtë me Fjalimin për Gjendjen e Vendit”, u tha Pittman anëtarëve të një Komisioni të Dhomës së Përfaqësuesve. "Ne mendojmë se do të ishte e kujdesshme që Policia e Kapitolit të mbajë në fuqi masat e forta të sigurisë derisa të zgjidhim ato dobësi," shtoi ajo. Data për mbajtjen e fjalimit mbi gjendjen e vendit nga ana e Presidentit Biden para Kongresit nuk është njoftuar ende. Ajo zakonisht është në fillim të vitit. Pas sulmit vdekjeprurës të 6 janarit ndaj Kapitolit në Uashington, u vendosën masa të pashembullta sigurie, përfshirë gardhe me tela me gjemba dhe postblloqe me forca të Gardës Kombëtare. Rreth 5,000 trupa pritet të vazhdojnë të qëndrojnë deri në mesin e muajit mars.