Shtetet e Bashkuara të Ameriksë I kanë ngritur tonet ndaj qeverisë Kosovare dhe nismave të tyre, që sipas ndërkombëtarëve janë të pakoordinuara me ta. Një reagim i radhës vjen nga zëdhënësi i Departamentit amerikan të Shtetit Matthew Miller, I cili shfaqet I shqetësuar prë vendimin e Kosovës për hapjen e urës së Ibrit edhe për kalimin e automjeteve. Ai i bëri këto komente gjatë konferencës së përditshme për shtypin, i pyetur rreth veprimeve të mundshme ndaj qeverisë së Kosovës pas mbylljes së degëve të Postës së Serbisë në veriun e banuar me shumicë serbe, që nxiti reagimin e Shteteve të Bashkuara dhe Bashkimit Evropian. “Jemi të shqetësuar nga vendimet e vazhdueshme të pa bashkërenduara të udhëheqjes së Kosovës. Besojmë se ata kanë vënë në rrezik mundësitë, të cilat ne e kemi ndihmuar Kosovës t’i krijojë. Nëse shikoni zhvillimet që nga pavarësia e Kosovës, Shtetet e Bashkuara fuqishëm kanë mbështetur integrimin e saj të plotë në komunitetin ndërkombëtar si demokraci sovrane e shumetnike”, tha ndër të tjera Miller.