Presidenti amerikan Joe Biden premton se SHBA do të shpërndajë të paktën 80 milion doza vaksinash anti-covid në të gjithë botën, nga të cilat 75 % me anë të programit Covax. Nga pjesa e parë do të jetë prej 25 milionë dozash, 19 milionë do të shpërndahen me anë të Covax. Sipas Jeff Zients, koordinator i Shtëpisë së Bardhë për Covid-19, “Presidenti Biden njoftoi angazhimin e SHBA për të shpërndarë 80 milion doza deri në fund të qershorit. Kjo sasi është pesë herë më e madhe se cdo sasi e premtuar nga vendet e tjera. Dhe këto 80 milionë doza përbëjnë 13 % të sasië totale që SHBA do të prodhojë gjatë këtij muaji,” tha Zients. “Ne do të vazhdojmë të dhurojmë edhe sasi të tjera gjatë verës, sapo t’i kemi në dispozicion ato,” përfundoi ai. Nga ana e tij, presidenti Biden tha se “Ne e dimë që, për ta mposhtur këtë pandemi, duhet ta mposhtim në mbarë botën,” dhe theksoi se dhurimi i vaksinave “nuk bëhet në këmbim të favoreve apo koncesioneve.”