Tre burra janë dënuar nga një gjykatë gjermane për përpjekje për të shantazhuar familjen e ish-kampionit të Formula 1, Michael Schumacher. Yilmaz T, 53 vjeç, u burgos me tre vjet për kërcënimin se do të ngarkonte 900 foto personale, dhe më shumë se 600 video dhe të dhëna konfidenciale mjekësore në internet, nëse familja Schumacher nuk paguante 15 milion € (12 milion £). Djali i tij 30-vjeçar u dënua me gjashtë muaj me kusht për ndihmë dhe nxitje për zhvatje. Një ish-roje sigurie në shtëpinë e Schumacher, i cili mohoi çdo përfshirje, mori një dënim me kusht me dy vjet. Schumacher nuk është parë në publik që nga aksidenti në pistën e skive në vitin 2013, i cili rezultoi në lëndime të rënda të trurit. Familja e tij e ka mbajtur private gjendjen e tij shëndetësore. Babai dhe djali kishin pranuar shumicën e akuzave. Në rrëfimin e tij 53-vjeçari tha se kishte marrë dy hard disqe nga roja i sigurisë, Markus F, i cili akuzohej se kishte shitur të dhëna konfidneciale të familjes Schumacher. Avoktati mbrojtës I familejs kërkoi dhe dënimin e rojes. Sipas mbrojtjes, gruaja e Schumacher, Corinna, i kishte kërkuar atij që të dixhitalizonte fotot private të familjes. Ata argumentuan se materiali u zhduk pasi kontrata e tij u ndërpre. Në gjykatë u shfaqën edhe regjistrimet e telefonatave të bëra me familjen Schumacher.