Ambasadori gjerman në Prishtinë, Jorn Rohde deklaroi këtë të martë se Serbia ka ndërhyrë në zgjedhjet parlamentare të Kosovës. Votimet u mbajtën më 9 Shkurt, ndërsa Rohde tha se Beogradi kërkoi vota për Listën Serbe. Në një postim në rrjetet sociale diplomati thkesoi se për këtë shqetësim ka folur edhe shefja e misionit të Bashkimit Evropian për monitorimin e zgjedhjeve në Kosovë, Nathalie Loiseau. “këto sulme dhe fushata kalojnë kufijtë serbë. Siç ka theksuar Loiseau, Serbia ka ndërhyrë në zgjedhjet kosovare duke kërkuar vota për Listën Serbe. Në të njëjtën kohë, Serbia pa bazë po akuzon Kosovën se po mbështet protestat në Serbia, pa ofruar asnjë provë”., shkroi ai. Ndërkohë misioni i BE tha se Serbia ushtroi tyrsni ndaj votuesve serbë në Kosovë. Sipas rezultateve preliminare, Lista Serbe – parti që gëzon mbështetjen e Beogradit zyrtar – ka fituar 4.55 për qind të votave të rregullta. Ndërkohë nga ana tjetër, Beogradi zyrtar ka akzuuar Kosovën si nxitëse të protestive në Serbi. Por ambasdori gjerman tha se për këtë gjë nuk ka prova por vetëm pretendime nga ana e qeverisë serbe.