Shtatë vite nga vrasja e politikanit serb në Kosovë, Oliver Ivanoviç, me 4 të arrestuar e dënuar me 20 vite burg në total, ende nuk ka një emër të porositësit të ekzekutimit. Teksa Albin Kurti, armiku kryesor I Aleksandër Vuçiç, e akuzon këtë të fundit si porositës të këtij krimi, nëpërmjet ish-drejtuesit të partisë Lista Serbe, I cili është në arrati për sulmin terrorist të Banjskës, porositësit janë ende të pa zbuluar. Gjykata Themelore në Prishtinë ka dënuar me 20 vjet burgim katër të akuzuarit në rastin e vrasjes së Ivanoviq - Marko Roshiq 8 vjet burg për veprën vrasje e rëndë dhe 10.000 euro gjobë, Nedelko Spasojeviq 4 vjet e 6 muaj burg dhe 4 mijë euro gjobë, Dragisha Markoviq 4 vjet burg për bashkëkryerje në veprën penale vrasje dhe Zharko Jovanoviq 4 vjet burg për bashkëkryerje të veprës dhe 1.500 euro gjobë për posedim të armëve.