Ndërkohë që skena politike në Mal të Zi po përgaritet për herë të parë për zgjedhjen e një kryeministri shqiptar, Dritan Abazovic, grupet pro-serbe po bëjnë thirrje për revolta të përgjashme. Policia e Malit të Zi konfirmoi se është duke hetuar thirrje për kaosit në Mal të Zi, të bëra përmes aplikacionit të mesazheve Telegram. Sipas policisë, mesazhet e tilla në Telegram janë shpërndarë nga një grup i quajtur “Rebelimi është gjendje shpirtërore”.Mesazhet që bëjnë thirrje për “gjak e thikë” janë shpërndarë edhe në rrjete të tjera sociale më 6 shkurt. Grupi ka mbi 17.4 mijë anëtarë, kryesisht nga Serbia, Republika Sërpska e Bosnje e Hercegovinës dhe Mali i Zi. Në postimet e tyre, anëtarët e grupit identifikohen me Kishën Ortodokse Serbe, lavdërojnë kriminelin serb të luftës, Ratko Mlladiq, promovojnë ideologji çetnike dhe pretendojnë se “serbët në Mal të Zi janë të rrezikuar”.