Top News- Senatorët amerikanë ‘presion’ Joe Biden/Më shumë vëmendje për tensionet në veri të Kosovës

Tetë senatorë amerikanë i kanë dërguar një letër presidentit të Shteteve të Bashkuara të Amerikës, Joe Biden lidhur me tensionet në veri të Kosovës dhe cënimin e sigurisë së gati 600 trupave amerikane që shërbejnë në kuadër të KFOR-it. Senatorët i kërkojnë presidentit Biden që të ushtrojë të gjithë presionin diplomatik për t'i dhënë fund kësaj krize dhe për të rifilluar përparimin në Marrëveshjen e Ohrit. Ata mbështesin propozimin e Bashkimit Evropian për Serbinë dhe Kosovën që përfshin: tërheqjen e kryetarëve nga ndërtesat komunale në veri të Kosovës; pezullimi i operacioneve policore në afërsi të ndërtesave komunale me përfundimin e njëkohshëm të demonstratave publike, shpalljen e zgjedhjeve të reja komunale me angazhimin e pjesëmarrjes së serbëve të Kosovës; dhe një kthim në dialog për zbatimin e Marrëveshjes së Ohrit, duke përfshirë Asociacionin e Komunave me shumicë serbe në veri të Kosovës.