Top News-Sekuestrohet hoteli në Ishull-Lezhë/ I ndërtuar në tokë-shtet me certifikatë të falsifikuar

Gjykata ka vendosur sekuestrimin e hotelit dhe restorantit “Diella” në Ishull-Lezhë, pasi është pa leje të rregullt të ndërtimit. Ky biznes është regjistruar në emër të Ndue Pal Loshit dhe rezulton të jetë 755 metra katror. Pas hetimeve të kryera rezulton se kjo leje ndërtimi është dhënë në kundërshtim me ligjin, pasi toka është zonë e mbrojtur dhe i përket shtetit. Ardian Mlika ka bërë denoncimin, ku ka treguar se aty po kryhen punime të ndryshme si mbushje, hedhje të materialeve inerte në ujërat sipërfaqësore të lagunës me qëllim për të zgjeruar aktivitetin. Në këto rrethana pasuria e paluajtshme është ndërtuar me një leje ndërtimi të dhënë në mënyrë të kundraligjshme, pa certifikatë për truallin ku është biznesi.