Kancelari gjerman Olaf Scholz pritet të vizitojë Shqipërinë, Kosovën dhe Serbinë në qershor për të nxitur dialogun mes Prishtinës dhe Beogradit. Sipas Deutsche Welle në Serbi për vizitat në Prishtinë e Beograd është vendosur data 10 qershor, ndërkohë që po punohet për datën e vizitës në Tiranë. “Ne po përpiqemi për një vizitë në këtë datë, por kjo ende duhet të koordinohet me Tiranën”, thotë një burim i qeverisë gjermane. Vizita e Scholz në Ballkan është një provë se rajoni është tashmw në listën e prioriteteve të koalicionit të ri në Berlin. Përveç përpjekjes për dialogun Kosovë-Serbi, Scholz, sipas DW, do të përpiqet gjithashtu të ofrojë diçka për Shqipërinë dhe Maqedoninë e Veriut.