Ministrat e jashtëm të Bashkimit Europian arritën një marrëveshje politike në Berlin mbi masat ndëshkuese që do të merren kundër mbështetësve të nivelit të lartë të presidentit bjellorus Aleksandar Lukashenko, me qëllimin të ushtrohet presion mbi të që të pranojë mbajtjen e zgjedhjeve të reja. Sipas marrëveshjes, masat e fundit do të shënjestrojnë kryesisht personat që akuzohen se janë përgjegjës për manipulimet në zgjedhje dhe shtypjen e dhunshme të protestave paqësore të mbajtura në vend, I tha gazetarëve shefi I diplomacisë së BE-së, Joseph Borell. “ Bjellorusia nuk duhet të kthehet në një Ukrainë të dytë”, u shpreh ai. Masat përfshijnë ndalime udhëtimi dhe ngrirje asetesh për gati 20 persona, megjithatë një zyrtar I lartë I bllokut nuk e perjashtoi mundesine qe ky numër te mund të rritet edhe më shumë. Brukseli e ka në fuqi një embargo armësh kundër Bjellorusisë, por që prej vitit 2015, në përpjekje për të përmirësuar marrëdhëniet me Lukashenkon, I lehtësoi sanksionet ekonomike të vendosura në 2004-tën. I pyetur nëse në listën e zezë të bllokut tani figuron dhe vetë presidenti bjellorus, Borell nuk dha një përgjigje të drejtpërdrejtë, duke shtuar se aty ka mjaft zyrtarë të lartë, por së gjërat do të varen edhe nga kthesat që mund të marrë situata. Pamjet; AFP