Këshilli atlantik do të mbajë një samit të partnershipit në ballkanin perëndimor më 29 korrik, që do të fokusohet tek integrimi ekonomik i rajonit. Gjashtë vendet e ballkanit, kanë rënë dakord për veprime të prera dhe praktike për të cuar përpara bashkëpunimin ekonomik rajonal, sipas këshillit atlantik. Damon Willson, zëvendëspresident ekzekutiv i institutit amerikan, do të moderojë samitin online në të cilin do të marrin pjesë liderët e shqipërisë, bosnjes, kosovës, maqedonisë së veriut, sebisë si edhe ministri i ekonomisë i malit të zi. “Pasojat e pritshme ekonomike dhe sociale të pandemisë së koronavirusit në ballkan, kërkojnë veprim të menjëhershëm rajonal për të evituar stanjacionin ekonomik dhe destabilitetin e mundshëm që vjen me të. Kjo marrëveshje do të demonstrojë angazhimin e liderëve për të forcuar rritjen ekonomike përmes lirisë së lëvizjes së mallrave, njerëzve dhe shërbimeve në kufijtë e rajonit. Masa po ashtu do të vendosë në lëvizje edhe një plan domethënës për tërheqjen e investimeve të huaja dhe do të përshpejtojë dislokimin efektiv të fondeve për rimëkëmbjen nga kovid 19”, thuhet në deklaratën e këshillit. Marrëveshja pritet të nënshkruhet pas iniciativës së ngjashme rajonale të mini shengenit ballkanik, të lancuar nga serbia, shqipëria dhe maqedonia e veriut. Kosova ka refuzuar pjesmarrjen pasi serbia është një prej iniciatorëve dhe lideri i malit të zi mori pjesë vetëm në samitin e tretë në cilësinë e vëzhguesit. Ai argumentoi se ndërsa vendet synojnë ti bashkohen BE dhe janë pjesë e CEFTA-s dhe procesit të Berlinit, cdo format tjetër për bashkëpunim do të ishte jo i përshtatshëm dhe do të mund të rrezikonte edhe integrimin e rajonit në BE. Mali i zi është edhe i vetmi vend që nuk do të përfaqësohet nga lideri i tij në këtë samit që do të mbahet të mërkurën, online, përmes Zoom-it.